خالد عثمان النجيب..يا غالى ليه منى إبتعد 台灣

كلمات الشاعر... طارق حسن احمد تالايا احساسك برد وأنا شوقى ليك ماليهو حد سفرا يطول يفرقنا عاد يبقالى أخير نختاهو جد يا غالى ليه منى إبتعد الله وآه مـــــن الفـــــــــراق دايما وراهو اسى ونكد وأنا لسه مستنيك تراى لا قله صبرى ولا نفد ما الزول إذا أقسم يبر ولابد يوفى إذا وعد ولو ضنت أمطار الحنين تكفى البشارة الفى الرعد كيفن تفوت تنسانى كيف وانا لحظة بعدك ما هجد أنا ما وهبتك بس قليب ماديك ذات روحى وجسد مآ ديك إخلاصى ووفاى لهفة مشاعر مالآ حــــــــــــد وانت البراك عارف تمام ذى ريدى ليك أنا ما اتوجد شوف الزمن ضلانى هم مدالى جنحيهو وفرد لولانى فى حضن العذاب محق منام عينى وطرد حتى الفرح لاح لى بعيد أملت عشمنى وشرد خلا المصايب الما بتون تبقالى من تالآك سد قاسيت لهيب الشوق براى كم فيك كملت الجلد لكن كمان حبل الصبر رقه وقصر بعد انعقد ارجوك ارجع لى تعال فى الدنيا ابقالى السند الدنيا غيرك ما بتكون والكون بلاك ناقص عدد

Category