طريقة عمل المنسف الأردني بالجميد السائل ️ منسف بشهي بطريقة جداً سهلة ️ 台灣

المنسف الأردني 🇯🇴 من الأطباق الجديدة علي جربتها وحبيتها كتير. أستخدمت جميد سائل هو المتوفر عندي ولو عندكم جميد حجار كمان بطلع روعة. مكتوب على علبة الجميد طريقة الإستخدام وطبقتها بس تركت اللحمة بعد السلق تغلي مع الجميد من البداية لحتى تتشرب كل النكهة. مكتوب على العلبة نترك الجميد يغلى نصف ساعة وبعد هيك نضيف اللحمة انا من البداية ضفت اللحمة وتركتها تغلي مع الجميد. طريقة الطهي ✨👩🏻‍🍳 شوحت بصلة بزيت نباتي وأضفت عليها لحمة خروف بعظم. شوحتها كتير كويس وأضفت عليها ماء مغلي وهيل وورق غار كمطيبات للمرقة. بعد ما أستوت اللحمة عندي شلتها من المرقة وصفيت المرقة من المطيبات والبصل. بطنجرة تانية أضفت الجميد وكمية المرقة المطلوبة ( كيلو جميد سائل أضفتله لتر مرقة ) رجعت اللحمة على الجميد وتركتها نص ساعة تغلي مع بعض. حطيت ملعقة سمنة لتعزيز النكهة وبتطلع الريحة بتشهي. ✨ رز المنسف هو عبارة عن رز مصري او رز حبة قصيرة ضروري. غسلت كوبين رز او حسب الحاجة غسلتهم كتير كويس ونقعتهم ربع ساعة. بطنجرة حطيت زيت نباتي مع سمنة قلبت اللوز لحتى ياخد لون وبعد هيك حطيته على ورقة مطبخ ينزل الزيت منه. بنفس الطنجرة وبنفس الزيت والسمنة قلبت الرز بعد ما صفيته من المي وأضفت ماء مغلي وملح وربع ملعقة كركم بس تعطينا لو أصفر خفيف بعد هيك سكرت عليه على نار هادية لحتى يتشرب الرز ويستوي معنا. حطيت لكل كوب رز كوبين ماء والرز هان بدنا يكون نوعاً ماء مش مفلفل يعني طري زيادة. ✨ خبز الشراك عملته بالبيت على إيدي راح انزل فيديو بخصوصه بإذن الله. بنطبق المنسف زي ماهو موضح بالفيديو وصراحة كان من أروع المرات الي باكل فيها منسف طعم الحموضة مع اللحمة والرز والمكسرات والسمنة اشي بشهي 😋❤️ صحة والف عافية.

Category